【個案分享腫瘤手術？！】

今次就同大家分享下麻醉嘅真實個案啦！

Pancake係一隻喺我哋醫院完成咗腫瘤切除手術嘅貓貓。

由於手術需要接受麻醉，加上Pancake年齡已到10歲高齡、而且胃部出現一個大腫瘤，需要切除三分之一嘅胃，所以手術風險非常高。

發現過程：

一開始，Pancake出現嘔吐、食慾不振、嘔血嘅症狀，食完藥仍然未見有好轉。於是，我們的獸醫團隊立即進行「全面腹腔超聲波掃描」及「X光檢查」，結果顯示Pancake胃部有一個未擴散嘅大型腫瘤。

手術過程與治療：

鑒於Pancake嘅病情嚴重，要盡快進行手術，我哋團隊嘅醫生切除咗三分之一嘅胃部以及腫瘤，手術過程非常細緻，要確保徹底清除壞組織，同時亦都要保留足夠嘅胃部組織同埋血管。最後手術都好成功順利完成。

超聲波同X光檢查喺準確診斷Pancake病情方面起到非常重要嘅作用㗎！

超聲波有助於確定胃部腫瘤嘅範圍、知道有冇擴散到腸胃或其他內臟

X光檢查可以確保癌細胞未擴散到肺部

術後護理與康復：

手術後，Pancake置入咗一條餵食喉，以便給予藥物、水同食物。餵食喉可以確保Pancake喺唔會造成不適情況下獲得必要嘅營養。（有關餵食喉嘅好處，請留意返先前嘅文章）

最終Pancake喺術後並冇任何不適或者不良反應 而家已經完全好返哂，可以自行進食，餵食喉都已經移除咗啦！我哋會繼續密切監控Pancake嘅情況。